Seks persónar eru deyður í ísraelskum álopi á Jenin, sum er á Vestara Áarbakka.
Tað upplýsa palestinsku heilsumyndugleikarnir, skrivar tíðindastovan áfP tíðliga í morgun.
Palestinska Sjálvstýri umsitur partar av Vestara Áarbakka, sum er hersettur av Ísrael.
– Eitt ísraelskt hersetingarbumbuálop á borgarar hevur dripið seks persónar í Jenin, hava myndugleikarnir við støð á Vestara Áarbakka upplýst.
Sambært palestinsku tíðindastovuni Wafa er ein stór deild av ísraelskum hermonnum í býnum.
Stutt fyri nýggjár drupu ísraelskar deildir tvey børn í Jenin. Eisini fýra palestinar vórðu særdir í eini spreinging, meðan ísraelski herurin framdi eitt átak í økinum.
Ein ísraelsk hernaðarkelda upplýsti sambært blaðnum Haaretz, at skotbardagar høvdu verið millum ísraelskar hermenn og »vápnað yvirgangsfólk«.
Síðstnevndu kastaðu eftir øllum at døma spreingingar eftir hermonnunum.
Síðani álopið hjá Hamas á Ísrael 7. oktober, tá minst 1200 fólk sammbært Ísrael doyðu, er harðskapurin vaksin á Vestara Áarbakka.
Ísraelski herurin og búsetarar hava dripið fleiri enn 300 fólk, síðani kríggið í Gaza byrjaði, har hava palestinsku heilsumyndugleikarnir í Ramallah upplýst.
Sambært Hamas stýrdu heilsumyndugleikunum í Gaza eru fleiri enn 22.722 fólk higartil deyð í sambandi við ísraelsku álopini. Nógv eru børn, kvinnur og eldri fólk, teirra millum fólk, ið lógu á sjúkrahúsi.
Sløk 55.000 fólk í Gaza eru særd í nógvu loftálopunum, upplýsti ráðið fyri nýggjár.
Ísrael hevur hersett Vestara Áarbakka síðani seksdagakríggið í 1967.
/ritzau/
