Í nýggja løgtinginum vaks umboðanin í høvuðstaðnum frá 10 til 14 tingfólk. Serliga er í Tjóðveldinum, sum hevur seks tingfólk, sum búgva í høvuðsstaðnum Sambandsflokkurin hevur størstu breiddina kring landið. Bert floksformaðurin, Kaj Leo Johannesen, býr í høvuðsstaðnum.
Fólkaflokkurin hevur tvey umboð í høvuðsstaðnum, Annika Olsen og Poul Michelsen.
Javnaðarflokkurin hevur trý fólk í Havn, Helena Dam á Neystabø, Katrin Dahl Jacobsen og John Johannesen.
Sjálvstýrisflokkurin hevur annan tinglimin í Havn, Kára á Rógvi.
Tjóðveldisflokkin hevur seks fólk í høvuðsstaðnum, Høgni Hoydal, Annita á Fríðriksmørk, Bjørt Samuelsen, Bergtóra Høgnadóttir Joensen, Sjúrður Skaale og Tórbjørn Jacobsen.
Miðflokkurin fekk ein tinglim í Havn, floksformannin, Jenis av Rana.
Tilsamans eru nú 14 tingfólk úr høvuðsstaðnum, meðan teir í gamla tinginum vóru tíggju.
