Í dag, 30. januar, er seinasti dagur, har limir í Føroya Fiskimannafelag hava møguleika at atkvøða um, hvør skal verða felagsformaður næstu trý árini.
Í morgin – seinasta dag í januar – telur grannskoðari felagsins upp atkvøðurnar, og hin 1. februar tekur tann, sum verður formaður, við einum nýggjum tríára skeiði í felagnum.
Sitandi formaður, Jan Højgaard av Toftum, stillar upp aftur til valið hesaferð og avbjóðarin, Axel Hansen úr Vestmanna, situr eisini í stjórn felagsins.
Við valið fyri trimum árum síðan atkvøddu 423 limir, og tað svaraði til 24 prosent av teimum, sum høvdu fingið atkvøðuseðil.
