Hondbóltur
Mads T. Jensen er higartil eitt fullkomuliga ókent navn í føroyskum manshondbólti, men hann er so millum tey 17 nøvnini, sum eru í seinasta bruttohópinum hjá landsliðsvenjaranum, Lars Nedergaard.
Talan er her um ein av liðfeløgunum hjá Jens á Skipagøtu og Trónda Joensen í Team Amager. Tað hevur víst seg, at leikarin hevur føroyska ætt, og tí hevur møguleika at spæla á føroyska landsliðnum.
- Enn er hópurin ikki endaliga úttikin, men vit hava valt at hyggja nærri leikaranum, sum vanliga spælir á vinstra veingi, og annars er hampuliga væl fyri, sigur Hjalmar Klein Olsen, hjálparvenjari hjá landsliðnum.
- Vit kunnu bara staðfesti, at lámir eru ein mangulvøra hjá okkum, og tí gjørdi vit av at taka av, tá hetta soleiðis mest sum av tilvild stóð okkum í boði, sigur Hjalmar.
Savnanin av bruttohópinum hesaferð er annars seinasta fínpussingin í fyrireikingunum til komandi undankappingardystirnar hjá A-landsliðnum. sum tað framgongur av yvirlitinum, so er her talan um 17 leikarar, men tollaksmessudag verður hetta skorið niður í 15.
Annars er vert at bíta merki í, at Tróndur Joensen nú aftur er tøkur hjá landsliðnum. Fyrrverandi kyndils-leikarin hevur av ymsum ávum ikki havt stundir til landsliðið higartil, men nú sær betri út í so máta, og væntandi kann hann gerast ein góður styrkur at hava hjá liðnum.
