Í samband við, at Sunneva Hansen í vikuni hevði sín seinasta arbeiðsdag á sýsluskrivstovuni á Sandi fekk hon eina samanplanting frá Sands kommunu.
- Hetta er ein tøkk fyri, at hon so trúliga og í øllum veðri hevur siglt um Skopunarfjørð at røkja starvið, sum er staðsett í umsitingarbygninginum hjá Sands kommunu.
Soleiðis skrivaði Sands kommuna á sínum Facebook-vanga, nú Sunneva Hansen hevði sín seinasta arbeiðsdag.
Við høvið handaði borgarstjórin í Sands kommunu, Heri Sverrason, henni eina samanplanting frá kommununi.
Sunneva Hansen er systir navnframa, Bjarna Dalsgaard, Bjarna á Mølini, róptur. Ættarbondini eru úr Skálavík.
Sands kommuna ynskir Sunnevu Guds ríku signing og eina bjarta framtíð.
