Í tíðindaskrivi verður sagt, at Seat Leon er ein designperla, sum sameinir sportligar koyrieginleikar við ein rúmligan familjubil, samstundis sum bilurin uppfyllir hægstu krøv til trygd.
Heiðurin er samstundis eitt herðaklapp til heimskenda bildesignaran Walter de Silva, sum kom frá Alfa Romeo til VW-konsernina fyri nøkrum árum síðan.
Í mun til forgangaran er nýggi Leon væl størri og rúmligari. Eins og á t.d. Alfa Romeo 156 sita hurðahandtakini til bakhurðarnar fjald í aftastu síðurútunum.
Fimm motorar eru at velja ímillum, tveir bensin og tveir diesel. Bensinmotorarnir eru: 1,6 litur við 102 hk, og 2,0 litur FSI við 150 hk og ein FSI við 185 hk. Dieselmotorarnir eru: 1,9 litur TDI við 105 hk, og 2,0 litur við 140 hk.
Leon hevur ESP sum standard eins og differentialesperru og bremsuassistent. BSW-skipanin heldur bremsuskivurnar reinar og fríar fyri vatn, og TSC-antispinn er ein partur av ABS-bremsuskipanini.
Nýggi Seat Leon kemur á marknaðin fyrst í 2006.
Myndatekstur:
1
Nýggi Seat Leon er kosin ársins bilur í Danmark 2006. Bilurin kemur á marknaðin
2
Formaðurin fyri "Motorjournalisternes Klub Danmark", Finn Knudstrup (h.m.) ynskir tíðindastjóranum hjá Seat í Danmark, Henrik Hagen, tillukku við ársins bili 2006
