- Sea Shepherd skal fáa allar tær tænastur, tey hava brúk fyri, nú tey eru komin til Havnar.
Tað sigur Heðin Mortensen, borgarstjóri.
Fyrsta skipið hjá felagsskapinum, kom til Føroyar í sambandi við herferðina ímóti grindadrápi í summar. Tað er tríkiljan, Brigitte Bardot, sum fór úr Bremen í Týsklandi, sunnudagin, og legði at á Sundi í morgun.
Les eisini: Fyrsta skipið hjá Sea Shepherd komið til Føroyar
Tey ætlaðu sær at sleppa at leggja at inni í sjálvari Havnini, men tað sluppu tey ikki. Tey sleppa heldur ikki at skipa fyri mótmælistiltøkum hvar sum helst í havnini
Annars skulu tey fáa góðar sømdir í Havnini, sigur borgarstjórin.
Trýst á pílin undir myndini og hoyr Heðin Mortensen greiða frá, hví Sea Shepherd ikki sleppur at liggja í Havn, og hvørjar sømdir, tey annars kunnu vænta sær í Havn.
