Venjarin hjá Chelsea er so troyttur av áhaldandi søgunum um, at hansara spælarar skulu fara til onnur feløg, at hann hevur sett allar spælararnar til sølu. - Venjarar og stjórar í øðrum feløgum royna at seta seg beinleiðis í samband við mínar spælarar, og tað órógvar okkum. Tí eru allir spælarar hjá Chelsea hervið til sølu, og tey, sum eru áhugað í teimum, kunnu venda sær beinleiðis til mín, sigur Luiz Felipe Scolari.
