Arbeiðið við at byggja savnið hjá Gamla Rás2 og FM1 út á SoundCloud heldur fram.
Seinasta yvirlitið sum er komið upp at standa í savninum hjá FM1 eru hæddarpunkt og samrøður frá teimum 11 finalunum í kappingini um løgmanssteypið, ið FM1 hevur sagt frá síðani 2009.
Fyrstu árini vóru tað Hilmar Jan Hansen og Tróndur Arge sum søgdu frá. Seinni árini er tað Tróndur Arge sum hevur sagt frá. Viðmerkjarar til dystarfrásagnirnar hesi 11 árini hava verið Teitur Joensen, Helgi L. Petersen, André Olsen, Súni Olsen, Rógvi Jacobsen og Jens Martin Knudsen.
HER ber til at finna yvirlitið við hæddarpunktum og samrøðum frá teimum 11 finalunum í kappingini um løgmanssteypið, ið FM1 hevur sagt frá.
