Talan er um 9b á Venjingarskúlanum, sum savnar inn pening til eina Noregsferð. Umframt at selja kakao og bollar fer flokkurin eisini undir at selja lutaseðlar.
Flokkurin ætlar sær til Noregs í januar ár 2000. Tað er ikki óvanligt, at slíkar skúlabarnaferðir verða gjørdar hesa tíðina á árinum. Hetta er 3. árið á rað, at flokkur av Venjingarskúlanum fyrireikar seg til Noregsferð. Leiðin hesaferð gongur til Sulseter, sum í januar mánað er eitt frálíkt skípláss. Um summarið heldur ein kendur ríðiskúli til har. Tveir danskir 9. flokkar fara til Sulseter um sama mundið, sum næmingarnir úr 9b á Venjingarskúlanum leggja frá landi.
Næmingarnir hava goldið pengar til ferðina, síðani teir vóru í 5. flokki. Eisini hava teir savnað pengar saman við at skipa fyri køkutobola, bilvaski og øðrum tiltøkum.
Flokslærari hjá 9b er Eyðólvur Dimon, sum eisini verður við á ferðini.
mynd
9b á Venjingarskúlanum, tá hann vitjaði á Ferðslutrygd nú um dagarnar. (Mynd Ferðslutrygd)
