Sáttmálin, sum Eysturkommuna hevur gjørt við fyritøkuna, ARTA, merkir, at eitt nýtt spælipláss verður bygt í Bóndagerði í Leirvík.
Men, sáttmálin er størri enn so. Hann fevnir eisini um, at kenda spæliplássið í Syðrugøtu fær eina endurnýggjan.
- Talan er um nýggja útgerð, fallundirlag og møblar. Arbeiðið byrjar um mánðarskiftið juli/august og verður eftir ætlan liðugt fyrst í september.
Tað siga tey í Eysturkommunu.
Í kommununi fegnast tey um møguleikan at kunna gera umstøðurnar hjá børnum og ungum í kommununi betur.
- Vit fegnast um at vera við til, at tey ungu eru meira úti í náttúruni og njóta frálíka umhvørvið, sum er í bygdunum, siga tey í Eysturkommunu.
