Leygardagin klokkan 16 spælir føroyingaliðið, KA steypafinalu móti Vali.
Tað er veruleiki aftaná ein ótrúliga sigur hjá KA aftaná 2 x 5 minuttirs longda leiktíð. Við fáum sekundum eftir bjargaði føroyski landsliðsmálverjin, Nicholas Satchwell við støðuna 27-27. Beint áðrenn tíðin fór sendi Arnar Freyr Ársælsson bóltin í málið hjá Selfossi til endaligu støðuna 28-27, og so kundu Nicholas Satchwell, Allan Norðberg og hinir í KA stórfegnast.
Nicholas hevði 18 bjargingar, harav var eitt bjargað brotskast. Allan Norðberg skoraði fýra mál fyri KA í kvøld. Umframt Nicholas var Óðinn Þór Ríkharðsson stóri spælarin hjá KA. Hann skoraði ikki færri enn 12 mál fyri KA í kvøld.
KA kundi havt vunnið hálvfinaluna í vanligu leiktíðini tá teir móti endanum vóru á odda 23-19, men tað eydnaðist Selfossi at koma afturíaftur og javna til 23-23, og harvið senda dystin til longda leiktíð. Men tað endaði alt lukkuligt hjá KA kortini.
Gongdin í dystinum Selfoss-KA: 1:2, 2:2, 5:4, 6:6, 8:9, 11:11, 13:14, 15:16, 16:20, 18:22, 19:23, 23:23.26:26, 27:28
KA verður "underdog" í steypafinaluni. Valur vann stórsigur 37-27 (16-14) á FH í hinari hálvfinaluni. So KA fær nóg mikið at síggja til.
