Tað sigur Manu Sareen flennandi, tá vit spyrja hann eftir turra fiskinum, sum Aksel Haraldsen hevur við sær í ryggsekkinum. Danski kirkjumálaráðharrin er á sama liði sum Aksel Haraldsen, á súkklu úr Danmark til Paris.
Hýrurin millum teir 62 súkklararnar á liðnum Team-Rynkeby Ringe er sera góður. Tað verður skemtað og tikið sær av løttum. Liðið er aftur partur av einum størri ferðaliði á okkurt um 1000 súkklarar, ið súkkla teir 1200 kilometrarnar úr Danmark til Paris fyri at savna inn pengar til Børnecanserfonden.
Súkklararnir eru nú komnir til Maastricht, har gist verður í nátt. Í dag hava teir súkklað 219 kilometrar, og nú eru minni enn 500 kilometrar eftir til Paris.
Í einum steðgi fyrr í dag fingu vit orðið á Manu Sareen. Hoyr samrøðuna við at trýsta á ljóðfíluna, ovast í greinini.
