Sarah Mahfoud hevur júst vunnið heimsmeistaraheitið IBF í greinini fjaðurvekt. Hon smurdi undanfarna heimsmeistaran Brenda Carabajal av, soleiðis at eingin ivi var um, hvør stóð sterkari í ringinum.
Dómararnir vóru ikki í iva, tá teir góvu stigini - Sarah Mahfoud var bara betri enn Brenda Carabajal í kvøld.
Rómurin í høllini var øgiligur allan vegin ígjøgnum, og hetta var sum heild ein sera góður boksidystur.
Sarah Mahfoud hevur hervið skrivað søgu sum fyrsti dani - og føroyingur - at vinna hetta heimsmeistaraheitið.
Vit fáa eina viðmerking frá heimsmeistaranum um eina løtu - inntil tá kanst tú síggja myndirnar frá stóru og søguligu løtuni.
##med2##
##med3##
##med4##
##med5##
