Sára R. Nysted var best

Tey úr Suðuroyar Svimjifelag vunnu meira enn helvtina av heiðursmerkjunum á Meistarastevnuni fyri Ung í svimjing, sum Svimjisamband Føroya skipaði fyri í Svimjihøllini í Gundadali, nú 25. og 26. apríl 2014.

Serliga vóru tað Sára R. Nysted og Rólant Toftum sum vunnu heiðursmerki til felagsliðið úr Suðuroy, umframt Lea Midjord og Rói Bech. Tilsamans vunnu hesi fýra 45 gullmerki, 6 silvurmerki og 2 bronsumerki.

10 teir mest vinnandi einstaklingarnir

Allarbesta avrik hevði Marius Ihlen Gardshodn úr Havnar Svimjifelag, sum í 400 metra frísvimjing megnaði at svimja seg til 622 FINA stig, tá ið hann vann kappingina í elsta aldursbólkinum við tíðini 4:08.60.

Men annars var tað serliga Sára R. Nysted sum skaraði framúr, við at svimja seg til 6 av 12 teimum hægstu FINA-stigunum, umframt at gerast yngsti føroyski svimjari nakrantíð undir minuttin í 100 frí.

1. Marius Ihlen Gardshodn (1998), HS - 4:08.60 í 400 frí (622 FINA stig)
2. Sára R. Nysted (2001), SuSvim - 9:25.14 í 800 frí (616 FINA stig)
3. Sára R. Nysted (2001), SuSvim - 59.99 í 100 frí (614 FINA stig)
4. Signhild Joensen (2000), Ægir - 2:21.31 í 200 rygg (612 FINA stig)
5. Vár E. Eidesgaard (2001), HS - 9:26.63 í 800 frí (611 FINA stig)
6. Sára R. Nysted (2001), SuSvim - 4:38.50 í 400 frí (599 FINA stig)
7. Sára R. Nysted (2001), SuSvim - 2:11.99 í 200 frí (597 FINA stig)
8. Barbara Debes (2000), FLOT - 27.70 í 50 frí (591 FINA stig)
9. Marius Ihlen Gardshodn (1998), HS - 1:58.42 í 200 frí (590 FINA stig)
10. Sára R. Nysted (2001), SuSvim - 1:09.02 í 100 blandað (585 FINA stig)
11. Signhild Joensen (2000), Ægir - 4:41.06 í 400 frí (583 FINA stig)
12. Sára R. Nysted (2001), SuSvim - 27.83 í 50 frí (583 FINA stig)

Felagsliðið Reysti úr Eysturkommunu vunnu næstflest heiðursmerki, frammanfyri Havnar Svimjifelag, Ægir, FLOT og Fuglafjarðar Svimjifelag.