- Eg havi brotið óstbeini og skal skurðviðgerast í øksluni, sigur Santos
Dysturin var bara tjúgu minuttir gamal, tá Santos mátti berast av vøllinum á børu.
- Eg fór rekandi úti í vinstru síðu og bleiv so taklaður umkoll,og lendi á øskluni. Eg føldi beinanvegin at okkurt var gali. sigur Santos.
Sjúkrabilurin fór beina leið á landssjúkrahúsið við Santos eftir hendingina.
- Eg havi nógva pínu og bíði eftir at tey ringja frá landssjúkrahúsinum og siga mær nær eg skal skurðviðgerast, sigur Santos í dag
29-ára gamli Santos kom til Føroyar í 2004. Hann spældi fimm tey fyrstu árini við B36. Í 2009 skifti hann til EB/Streym.
- Hetta er fyrstu ferð at eg eri blivin álvarsliga skaddur síðani eg kom til Føroyar, sigur Santos.
Tað er enn ikki greitt nær Santos verður tøkur aftur.
