Hóast Schalke vóru væl við fyrstu løtuna, so vóru einstaklingarnir í álopspartinum hjá Real Madrid ov sterkir til týska felagið.
Karim Benzema legði Real Madrid á odda eftir 13 minuttir, har hann fekk eina framúr fríspæling frá Cristiano Ronaldo.
Gareth Bale økti um munin tá 21 minuttir vóru farnir, eftir eitt framúr einmansavrik.
Í seinna hálvleiki bleiv munurin millum Schalke og Real Madrid uppaftur størri. Fyrst økti stóra stjørnan á Real Madrid liðnum, Cristiano Ronaldo til 0-3. Síðani skoraðu Karim Benzema, Gareth Bale og Cristiano Ronaldo allir sítt seinna mál í dystinum, til ávíkavíst 0-4, 0-5 og 0-6.
Schalke megnaði tó at minka um munin til endans við einum framúr góðum málið frá Klaas-Jan Huntelaar.
Dysturin endaði sostatt 1-6.
Javnleikur í Istanbul.
Í hinum dystinum leikti Galatasaray móti Chelsea.
Galatasaray hava fyrr í kappingini víst stóra styrki á heimavølli. Millum annað sendu teir italienska stórfelagið Juventus út úr kappingini.
Tað var allíkavæl gestirnir úr Chelsea, ið fingu tí betru byrjanina uppá dystin. Fernando Torres legði Chelsea á odda eftir 9 minuttir.
Tað eydnaðist tó Galatasaray at javna, tá 64 minuttir vóru leiktir av dystinum. Málskjútti var Aurelien Chedjou.
Sostatt skerst ikki burtur at tað í øllum førum eru sjey heimalið, ið hava tey betru kortini á hondini til tann seinna dystin í áttandaparts finaluni.
Týskvøldið tann 11 marts eru dystirnir hesir :
Barcelona - Manchester City
Bayern Munchen - Arsenal
Paris SG - Leverkusen
Atletico Madrid - AC Milan
Dystirnir mikukvøldið 12 marts eru hesir :
Manchester United - Olympiakos
Chelsea - Galatasaray
Dortmund - Zenit
Real Madrid - Schalke 04
Í kvøld:
Schalke 04 - Real Madrid (0-2) 1-6
0-1 Karim Benzema, 13
0-2 Gareth Bale, 21
0-3 Cristiano Ronaldo, 52
0-4 Karim Benzema, 57
0-5 Gareth Bale, 69
0-6 Cristiano Ronaldo, 89
1-6 Klaas-Jan Huntelaar, 90
Galatasaray - Chelsea (0-1) 1-1
0-1 Fernando Torres, 9
1-1 Aurelien Chedjou, 64
