Sands kommuna hevur í eina tíð havt avtalu um líkvognsflutning við fyritøkuna, Seinasta heilsan.
- Flutningurin er fyri øll, sum fáa sín seinasta hvíldarstað á Sandi, og flutningurin er uttan kostnað fyri avvarðandi.
Tað siga tey í Sands kommunu í dag.
Sáttmálin, sum er undirskrivaður millum partarnar, sigur, at jarðarferðartænastan átekur sær at koyra øll lík, sum verða grivin í Sands kommunu.
- Tænastan fevnir um koyring úr kapellinum ella aðrastaðni og til Sands kirkju ella frá heiminum til kirkjuna.
Í Sands kommunu siga tey, at avvarðandi, sum vilja brúka hesa tænastu, skulu tey ringja til Seinasta heilsan á tlf. 513070.
- Seinasta heilsan hevur egnan bil til endamálið, og bilurin skal til eina og hvørja tíð vera í nøktandi standi og hava eina útsjónd, sum hóskar seg til tænastuna.
Sands kommuna vil við hesi tænastu um líkvognskoyring sýna samkenslu, virðing og tøkk.
- Ynskja avvarðandi sjálvi at skipa fyri flutningi, hevur kommunan virðing fyri hesum, siga tey í Sands kommunu í dag.
