Eisini sandoyingar hava nú gjørt av at samstarva um eldraøkið, nú tað verður lagt undir kommunurnar at verða umsitið á nýggjárinum.
Gerhard Lognberg, borgarstjóri í Skopun, sigur, at tað var í gjárkvøldið, at allar kommunurnar í Sandoy skrivaðu undir samstarvsavtaluna.
- Hetta er uttan iva størsta og mest umfatandi samstarv, kommunurnar í Sandoy hava verið saman um, sigur hann.
Hann sigur í avtaluni eru øll eldrabýlini í oynni, løgd í eina pulju, Talan er um Røktarheimið á Sandi og sambýlið í Skopun og í Skálavík.,
Tó hava kommunurnar tryggjað sær, at einki av eldrabýlunum kann niðurleggjast fyrrenn allar kommunurnar hava samtykt tað.
Sostatt fáa allar kommunurnar vetorætt í spurninginum um at niðurleggja eitt av eldrabýlunum,
Gerhard Lognberg sigur, at avtalan verður send Anniku Olsen, landsstýriskvinnu í almannmálum, til góðkenningar.
|
