Tað er helst langt síðan, at fyrrverandi djúpvatnstrolarin Sancy hevur sæð so væl út, sum hann ger nú Tað er norðmaðurin Oddvar Vea, sum hevur keypt skipið, ið seinastu vikurnar hevur ligið við bryggju í Runavík.
Fyrrverandi Sancy kallast nú Guard Atlantic. Á skrokkinum stendur, at skipið er heimahoyrandi í Tórshavn, og nýggju kennibókstavirnir eru TN 1373.
Oddvar hevur áður keypt gomlu Froyu I og chartrar eitt nú Jónrit, sum er heimahoyrandi á Strondum. Bæði skipini eru í oljuvinnuni.
Í Runavík hevur Mekanik yvirhálað høvuðsmotor og ljósmotorar. Hetta eru krøv, sum klassin setti.
Helgi Davidsen, sum er ættaður úr Runavík, skal føra skipið, tá tað loysir aftur. Saman við honum verða fýra aðrir føroyingar, stýrimaður, tveir maskinmenn og kokkur.
Helgi, sum í eini 10 ár hevur búð í Danmark, hevur siglt hjá Oddvar Vea í umleið hálvt annað ár, og hann hevur eisini ført Froyu I.
Skiparin segði herfyri við Portalin, at tað ikki er óhugsandi, at Sancy verður tað, sum rópt verður, ?chasari? í seismikkvinnuni í Grønlandi.
Seinastu tíðina hevur verið arbeitt við at snøggað skipið, soleiðis at fyrrverandi Sancy í dag at kalla líkist einum nýggjum skipi.
Sancy er farin úr føroyska fiskiskipaflotanum fyri Beinisvørð hjá Sancy Trawl, sum er keyptur úr Íslandi.
