Seinnapartssendingin hjá Rás2, sum sendir innsløg úr Runavíkar kommunu vitjaði í dag Sunleiv Højgaard, sum er leiðari fyri felags sløkkiliðnum hjá kommunum á Skálafjørðinum.
Sunleiv er tann einasti sløkkiliðsmaðurin, sum er í føstum starvi, men sløkkiliðið hevur nógvar tilkallu sløkkiliðsmenn á báðum ørmunum á Skálafjørðinum, umframt í Oyndarfirði.
Heili sjey av monnunum hava verið við øll 40 árini felags sløkkiliðið hevur virkað. Skálafjarðar sløkkilið varð stovnað 4. september í 1974.
Eitt serstakt við sløkkiliðnum er, at teir hava eisini mannað eitt manskór, sum hevur verið nógv umbiðið til tiltøk av ymiskum slagi.
Við at TRÝSTA á PÍLIN undir MYNDINI ber til at hoyra samrøðuna, sum var við Sunleiv Højgaard á Rás2.
Tað ber til at hoyra Skálafjarðar sløkkilið syngja á hesari leinkjuni: http://www.youtube.com/watch?v=MruRVgDZV8Q
(Mynd: nes.fo)
