Samráðingarnar millum strandarlondini um makrelin, sum byrjaðu mánadagin í Clonakilty í Írlandi, eru í dag lagdar niður.
Tað boðar føroyski samráðingarleiðarin, Herluf Sigvaldsson, frá í tíðindaskrivi seinnapartin.
Hann sigur, at næstu dagarnar og vikurnar halda tveyparta-samráðingar fram millum strandarlondini.
Samráðingarnar millum strandarlondini verða eftir ætlan tiknar uppaftur seinni í ár, tá royndirnar at gera semju gjøgnum tveyparta-samráðingar eru loknar.
