Samráðingarnar um nýggjan sáttmála hjá starvsfólkunum í tveimum av teimum stóru almennu partafeløgunum eru nú byrjaðar.
Í farnu viku handaðu Føroya Arbeiðsgevarafelag og Starvsmannafelagið hvørjum øðrum krøvini í samband við samráðingarnar um sáttmála fyri Føroya Tele og Posta. Tað skrivar Vinnuhúsið á heimasíðu síni.
- Føroya Arbeiðsgevarafelag og Starvsmannafelagið eru farin undir at samráðast um sáttmálarnar fyri Føroya Tele og Posta. Partarnir hittast aftur í dag, og samráðingarnar eru ásettar at byrja í komandi viku, skrivar Vinnuhúsið.
Sáttmálin fyri Føroya Tele og Posta gongur út 1. januar 2019.
