Undirhúsið í bretska tjóðartinginum hevur atkvøtt fyri einum uppskoti um at loyva hjúnalagi millum tvey fólk av sama kyni í Onglandi og Wales.
366 atkvøður vóru fyri og 161 ímóti, og nú fer uppskotið víðari í bretska yvirhúsið, har viðgerðin av tí helst byrjar fyrst í juni.
Bretski forsætisráðharrin, David Cameron, hevur ikki fingið Konservativa flokkin at hava eina felags støðu til málið, tí summi eru fyri og onnur ímóti.
Fleiri av floksfeløgunum hjá Cameron hava fyri at tarna málinum roynt at skoytt upp í uppskotið, at tað eisini skal fevna um skrásett parlag millum hinkynd.
