Umfram tey 17 fólkini í samgonguni atkvøddu eisini tveir tingmenn úr Sambandsflokkinum fyri lógaruppskotinum, Magni Laksafoss og Edmund Joensen. Tað vil siga, at 19 tingfólk atkvøddu fyri og 14 ímóti. Tað merkir í prosentum, at 57,6 prosent fyri og 42,4 prosent ímóti.

Alt bendir á – í skrivandi stund – at bæði uppskotini um at javnseta samkynd foreldur í barsilsskipanini fella. Skuldi tað hent, at málið hjá samgonguni varð samtykt, so hevði tað verið við smalast møguliga meirilutanum, 17-15, sum í prosentum er 53,1 prosent fyri og 46,9 prosent ímóti.

Alt bendir tó á, at bæði málini fella, tí sum støðan er í løtuni, so sær út til at støðan verður 16-16 bæði til broytingaruppskotið hjá Christiani Andreasen vegna samgonguna og tað frá teimum átta andstøðuuppskotinum.

Lesið eisini: Samkynd hótta aftur samgonguna

Tá uppskotið til rikislógartilmæli um at seta í gildi fyri Føroyar partar av broytingum í hjúnabandslógini og rættarvirknaðarlógini var til atkvøðugreiðslu 29. apríl í 2016 var úrslitið soleiðis: