Tey vóru fimm fólk: Dias Godtfred og konan Kristina, Johan Nicolai Smith og konan Elin og Kristoffur Larsen, Porkeri, sum komu saman til breyðbróting í húsunum hjá Diasi Godtfred. Síðan 1920 hevur samkoman hildið til í salinum Bethel.
Í sambandi við 100 ára haldið verður eitt serligt tiltak leygarkvøldið 12. desember kl. 20, har samkomusøgan verður lýst við myndum og frásagnum. Suðuroyarkórið og onnur syngja. Eisini sunnudagin verður eitt serligt møti við luttøku úr samkomunum í oynni.
