Samkoman Soli Deo Gloria hevur keypt handilsbygning mitt í Klaksvík og æltar at flyta inn í summar. Talan er um bygningin við Klaksvíksvegin, har Kiosk 700 og handilin Total halda til.
Tað skrivar Soli Deo Gloria á Facebook síðuni.
– Kioskin fer at halda fram í miðhæddini, vit koma at hava okkara virksemi á loftshæddini. Vit vóna at kunna byrja í juli/august mánaða, sigur John Kári Jacobsen, ein av leiðarunum í samkomuni, við Norðlýsið.
Soli Deo Gloria hevur í nógv ár havt síni egnu hús á Stangavegnum, og tey eigur samkoman framvegis, men nú fara tey at flyta inn á eina enn meiri sentrala adressu í Klaksvík.
