Tað er longu blivin spenningur um flytingarvindeygað í Premier League, sum letur upp í januar.
Enskir fótbóltsmiðlar vilja verða við, at Arsenal ætlar at keypa týska landsliðsspælaran, Sami Khedira fyri eina upphædd, sum svarar til umleið 105 miljónir krónur. Enskir miðlar haldi seg vita, at Arsenal hevur longu nú lagt boðið uppá Sami Khedira inn til Real Madrid.
Enskir miðlar skriva eisini, at Arsene Wenger, høvuðsvenjari hjá Arsenal ætlar eisini at keypa styrk til miðverjuna. Wenger hevur ætlanir um, at 22 ára gamli Fabian Schär hjá sveisiska felagnum FC Basel eisini skal gerast partur av Arsenal-hópinum í januar.
Fyribils er Wenger nøgdur við Danny Welbeck í álopinum, og tí frættist ikki nakað um, at Arsenal ætlar at keypa styrk til álopið í januar.
