Íslendska felagið Samherji hevur keypt írska uppsjóvarskipið, Western Chieftain, sum er á Karstensens Skibsværft í Skagen, har trolarin verður umbygdur til brunnbát til flutning av livandi fiski.
Trolarin verður longdur við 10,2 metrum, soleiðis at skipið verður 55 metrar langt. Tangar verða settir í skipið til flutningin av livandi fiskinum, og skipið fær verksmiðju. Málið er at hava fiskin livandi, soleiðis at hann antin verður landaður livandi - ella blóðgaður umborð.
- Fiskur, sum verður leveraður livandi, verður latin beint inn á fiskavirki ella í eina nót. Málið er, at fiskurin skal halda sær longri og skal kunna takast og seljast, tá prísurin er góður, skrivar kystmagasinet.no um hesa forvitnisligu verkætlan hjá Samherja.
