Samgongan tapti slagið um Putin

ODDAGREIN: Helst hevur lands­stýrið hevur funnið onkra mill­­um­loysn soleiðis, at tryggjað verður, at lands­stýrið aft­ur fer undir samráðingar við blóð­dálk­aðu stjórn­ina hjá Putin, for­seta, ein­aræðisharra, barna­mordara, bøð­ili og hvat annað vit kunnu kalla hetta vit­t­uggið, sum drep­ur frá hond í U­kraina, tí hann held­ur, at Russ­land skal eiga hetta stóra granna­landið.

At politikarar ikki eru at líta á er mangan sjón fyri søgn. Sit­andi samgonga man skjótt fara at seta met í brotn­um val­lyft­um. Tað stóra mál­ið, og tað sum helst var orsøkin til, at Bárð­ur Niel­sen skrivaði út val í ótíð og har­við tveitti hand­klæðið í ringin, var júst russ­lands­sátt­mál­in.

Undan valinum var ein flokkur, Fólka­flokk­­urin, sum vil halda fram við sam­starv­i­num við Russland. Kríggj ella ikki kríggj var líka mikið hjá Fólkaflokkinum, tí vit í Før­oy­um gera ongan mun kortini – fyri at siga sum suð­ur­oy­ar­tingmaðurin hjá flokkinum, so »kundi hann ikki skitið meira á«, um tað eru russ­ar ella amerikanarar, ið eru vinir okk­ara. Tingfólk hjá sambandsflokkinum og Mið­­flokk­i­num drógu ikki eina línu. And­støð­an tá, Javn­að­arflokkurin, Tjóðveldi og Framsókn, var samd um, at nýggjur sáttmáli skuldi ikki ger­ast við russar fyri 2023. Tveir ting­menn, Hen­rik Old og Bjarni Kárason Pet­er­sen, vildu ikki svara, tá Sosialurin spurdi. Ein, Jó­hann­us Jo­ensen var ikki at hitta. Hini vóru øll púra greið, at »vit skulu ikki sam­ráð­ast við russar«.

##med2##

Nú hevur pípan fingið annað ljóð. Trup­ul­leik­in hjá løgmanni í dag er, at tað er bara ein flokk­ur, sum vil slíta samstarvið, meðan trup­ul­leik­in hjá Bárði Nielsen fyri einum ári síðani var, at bara ein flokkur vildi fara undir nýggj­ar samráðingar við stýrið hjá Putin.

Tað nyttar lítið hjá løgmanni at gera sum Bárð­ur Nielsen og tveita hanklæðið í ring­in. Hann fær ongan annan meiriluta. Men løg­mað­ur er ovasti leiðari í samgonguni. Og tá hin­ir flokkarnir ganga frá hesum stóra val­­lyft­­­i­­num – ikki minst hjá Javn­að­ar­flokk­i­num, so hev­ur løg­mað­ur sjálv­andi frí­ari teymar, tá tað snýr seg um hjartamál hjá eitt nú Tjóð­veldi, sum kunnu ganga Javn­að­ar­flokk­i­num nær. Støð­­ið er lagt. Presedens er skapt: Tað er ikki er neyð­ugt at halda orð.

Formliga avgerðin um at venda sær til leigu­svein­ar­nar hjá Put­in fell­­ir, um og tá Ann­ika Olsen, Liljan Weihe og Sólvit Nolsø í  uttanlandsnevndini í næstu viku fara at geva lands­­stýr­­ismanninum boðini:

– Far tú til sam­ráð­ing­ar við mord­ar­an, enn­­tá með­­an hann drep­ur ó­sek fólk í Ukraina!