- Samgongan kann ikki hava nógv at gera, nú ikki færri enn seks tingfólk hjá samgonguni hava gjørt av at stilla upp til býráðsvalið í Havn.
Tað heldur Annika Olsen, løgtingslimur hjá Fólkaflokkinum, sum í kvøld ger viðmerkingar á sínari Facebook-síðu.
Hon vísir á, at millum tey uppstillaðu eru enntá politikarar‚ ið manna týdningarmiklar sessir i løgtinginum. Ein teirra er figgjarnevndarformaður, og ein annar er formaður á løgtingi fyri Tjóðveldi.
- Hetta eru øll fitt og skilagóð fólk‚ men sunt fyri fólkaræðið er tað ikki‚ at politikarar manna fleiri politiskar sessir‚ har bland kemur í áhugamálini hjá ávikavist landinum og kommununum, heldur Annika Olsen, løgtingslimur.
