Ongantíð fyrr hevur ein landsstýrissamgonga noktað einum flokki at gjørt eina innanhýsis broyting í nevndarsessum.
Tað staðfestir Fólkaflokkurin nú seinnapartin.
Og tað gera tey eftir at samgongan ikki vildi ganga eini áheitan frá Fólkaflokkinum á møti um at velja Anniku Olsen í uttanlandsnevndina ístaðin fyri partmannin, Jákup Mikkelsen.
- Orsøkin til at helst tann, at samgongan forfylgir Anniku Olsen, sigur Jørgen Niclasen, formaður Fólkafloksins.
Hann sigur, at talan var um ein skifta ein tinglim í Fólkaflokkinum í Uttanlandsnevndini út við ein annan lim í Fólkaflokkinum.
- Hetta er ofta gjørt fyrr, men ongantíð hevur Løgtingið sagt nei. Men tað hendi í dag, tí úrslitið av atkvøðugreiðsluni var, at øll andstøðan atkvøddi fyri, men tey 17 í samgonguni øll atkvøddu ímóti, sigur formaðurin í Fólkaflokkinum.
- Hetta er ódemokratiskt og minnir mest um maktmisnýtslu og forfylging av einum tinglimi, sigur Jørgen Niclasen.
Sostatt hevur Annika Olsen ongan nevndarsess i Tinginum.
