Gamlaárskvøld á sjónvarpsskíggjanum letur til at gerast, sum vanligt er. Aftur í ár hevur Kringvarp Føroya funnið pláss fyri 90-ára føðingardegnum, so at vit kunnu fylgja við, hvussu sir Toby, admiral von Schneider, mister Pommeroy og mister Winterbottom fara at tíggja sær í føðingardegnum hjá Miss Sophie.
90-ára føðingardagurin hevur ta æruna, at verða oftast endursenda sjónvarpssending nakrantíð. Enski rithøvundurin Lauri Wylie skrivaði leikin í 1920’unum. Útgávan, sum verður send á skíggjunum, er ein upptøka, sum týska sjónvarpsstøðin NDR gjørdi í 1963, við sjónleikarunum Freddie Frinton og May Warden í leiklutunum sum James og Miss Sophie.
Eftir føðingardegin kemur Dean Martin á skíggjan. Fyrst tosa Goldie Hawn og Dean Martin tosa um, hvussu tey klóku eru orsøkin til alt ónt í heiminum, áðrenn skemtileikurin við fulla flogskiparanum verður vístur.
Kringvarp Føroya enda so 2014 við einum ordiligum braki, við nýggjárshaldinum hjá Mr. Bean.
Skráin hjá Kringvarpinum er soleiðis:
19.00 Nýggjársrøða løgmans
19.15 Nýggjársrøðan hjá Drotningini
19.30 Nýggjár 2014
22.50 90 ára føðingardagurin
23.04 Dean Martin og Goldie Hawn
23.07 Dean Martin og flogskiparin
23.10 Mr. Bean.
23.55 GOTT NÝGGJÁR!
