Sum vit áður hava skrivað, so hevur verið tosað um at gera enn eina roynd, har Sumba og VB skulu leggja feløgini saman.
Nevndirnar báðar hava tosað saman um málið í eina tíð, og í vikuni hava so limafundir verið, har tað hevur verið kannað, hvørt limirnir eisini eru sinnaðir fyri eini samanlegging.
Og tað eru tey eftir øllum at døma. Bæði í Vági og í Sumba hava nevndirnar fingið fullan stuðul, tó at nakrar einstakar treytir eisini fylgdu við stuðlinum. Eitt nú tykist greitt, at feløgini í øllum førum komandi árið fara at halda fast um nøvnini, soleiðis VB hevur liðið í bestu mansdeildini og Sumba í teirri næstbestu. Einamest tí feløgini bæði hava stórar føðingardagar at halda komandi ár.
Í næstum verður farið undir ítøkiligar samráðingar um treytirnar fyri eini ætlaðari samanlegging.
