Tað var eingin slingur í valsinum hjá teimum trimum, sum kappast um uppflytingina, tá ið 19. umfar í næstbestu fótbóltsdeildini var á skránni seinnapartin.
Oddaliðið, FC Suðuroy, hevði vitjan av teimum næstbestu hjá NSÍ, og úrslitið var sannførandi 5-1 heimasigur. Tað var ikki fyrr enn eftir steðgin, at glið kom á málskjótingina. Stóri málskjúttin hjá heimaliðnum var John T. Poulsen, sum skoraði tríggjar ferðir.
AB vann á heimavølli 4-0 á teimum næstbestu hjá 07 Vestur. Eftir 1. hálvleik var 1-0. Alex Mellemgaard var stóri maðurin hjá AB í dag, tí hann skoraði trý mál.
TB hevði í Hvalba vitjan av FC Hoyvík, sum varð sent norður aftur við 2-0 tapi. Bæði málini vórðu skorað í 1. hálvleiki.
Við 2-0 sigri á HB í Gundadali lyfti Skála seg upp á 4. plássið.
HB er í kapping við EB/Streym um at sleppa undan niðurflytingarplássi. Heimatapið hjá HB kostaði einki í tí stríðnum, tí EB/Streymur tapti á heimavølli ímóti Víkingi, sum orduliga hevur tikið seg burtur frá niðurflytingarplássunum.
19. umfar
AB-07 Vestur 4-0 (1-0)
1-0: Alex Mellemgaard 26.
2-0: Alex Mellemgaard 62.
3-0: Bjarki Ellefsen 65.
4-0: Alex Mellemgaard 90+2.
HB-Skála 0-2 (0-2)
0-1: Brian Jacobsen 12.
0-2: Brian Jacobsen 25.
Reytt kort: Bogi Reinert Petersen, HB, 88.
FC Suðuroy-NSÍ 5-1 (0-0)
1-0: Palli Augustinussen 52.
2-0: John T. Poulsen br 56.
3-0: Poul N. Poulsen 67.
3-1: Rógvi Højgaard 70.
4-1: John T. Poulsen 77.
5-1: John T. Poulsen 90.
TB-FC Hoyvík 2-0 (2-0)
1-0: Tórur Mortensen 6.
2-0: Ragnar Tausen 25.
EB/Streymur-Víkingur 0-2 (0-1)
0-1: Per Gregersen 37.
0-2: Páll Klettskarð 67.
hagtøl: faroesoccer.com
Støðan eftir 19 umfør
FC Suðuroy 49
AB 43
TB 40
Skála 31
NSÍ 29
Víkingur 25
FC Hoyvík 20
HB 18
EB/Streymur 16
07 Vestur 0
20. umfar
Leygardagin 3. september
Skála-AB
07 Vestur-EB/Streymur
Víkingur-TB
FC Suðuroy-HB
NSÍ-FC Hoyvík
