Í vanligum kavaveðri taka maskinurnar hjá Eysturkommunu sær av ruddingini. Tá talan er um stórkava, verður hjálp tilkallað uttanífrá.
Eysturkommuna veit at siga, at tá kavi verður ruddaður í kommununi, er tað eftir teirri raðfesting, at fyrst verður ruddað, har bussleiðin koyrir, og har sambýlini eru.
- Síðan verður ruddað á vegum, har skúlar, stovnar og annað slíkt er, og tá tað er gjørt, verður farið til vegir, sum liggja til vinnuøki.
Seinast í raðfestingini koma vegirnir á sethúsaøkjum.
Eysturkommuna saltar eisini eftir somu raðfesting sum við kavaruddingini, men her er tað tó bara brekkurnar, sum verða saltaðar.
- Maskinurnar eru stórar, og trongt er at grava. Tí er umráðandi, at maskinurnar fáa frið og pláss at arbeiða.
Heitt verður eisini á borgararnar í Eysturkommunu um at hugsa seg um, hvar bilarnir verða settir, tá kavi legst.
- Gott hevði verið, um borgarin grevur fyri egnum bili, so hann fæst av vegnum.
Eysturkommuna hevur eisini saltkassar ymsastaðni, sum borgararnir í kommununi kunnu taka av eftir tørvi.
Myndina eigur Landsverk. |
