Í morgin verður hátíðardámur á Drelnesi.
Saltsiloin, ið verður gjørd til altjóða mentanarhús, hevur fingið nýggjar stálbogar, og í morgin verður reisigildi.
Hetta hendir seinnapartin í morgin.
Gomlu bogarnir vóru stoyptir.
Saltsiloin á Drelnesi fer at fáa sína upprunaligu útsjónd aftur. Bæði tann eyðkendi kassin og tornið, sum vóru í endanum, koma uppaftur.
Saltsiloverkætlanin hevur 58 milliónir krónur at arbeiða við, og tað skal ætlanin haldast innan fyri, hevur Ólavur Rasmussen, formaður í Saltsilogrunninum, áður sagt alment.
(Mynd: Martin S. Eidesgaard)
