Hárfríðkan
Mánadagin lat upp nýggj hárfríðkanarstova í Jónas Broncks Gøtu 34 í Havn.
Salong Bronx er navnið á nýggju hárfríðkanarstovuni, og kann ein siga, at tað hóskar jú væl til, tá salongin jú liggur í Jónas Broncks Gøtu.
Tað er Lizzy Mouritsen, sum hevur opnað nýggju hárfríðkanarstovuna. Lizzy starvaðist áðrenn á Salong Bylgjuni á Argjum.
Hvussu ber tað til, at Lizzy hevur valt at lata upp nýggja hárfríðkanarstovu í Havnini?
? Tað eru nóg mikið av hárfríðkanarstovum í Havn, men hóast alt, so haldi eg, at allar frisørar droyma um at verða sjálvstøðugar, sigur Lizzy Mouritsen.
? Fyribils verði eg einsamøll, men møguliga fái eg onkran afturat mær seinni.
Tríggir stólar eru í salongini, og longu í gjár høvdu fleiri verið og fingið sær nýtt hársnið í nýggju hárfríðkanarstovuni.
