Teir seinastu 14 dagarnar hevur Saksaberg roynt eftitr sild í íslendskum og føroyskum sjógvi Saksaberg leitaði fyrst nakrar dagar, og bóru teir við sild í íslendskum sjógvi. Teir fingu fyrst 200 tons í einum kasti, og tá teir kastaðu aftur, vóru 50 tons í.
Saksaberg landaði sildina í Íslandi, men hon vísti seg at vera so soltin, at tað mesta fór til ídnað.
Tá Saksaberg fór útaftur, fóru teir í føroyskan sjógv at royna. Teir fingu 380 tons, sum teir landaðu í Noregi. Prísurin var 2,59 norskar krónur fyri kilo.
Saksaberg fór út aftur í gjár.
Kelda: Vinnan