Sámal Petur í Grund úr Sjálvstýrisflokkinum segði, at nógvir positivir setningar eru í uppskotinum frá Javnaðarflokkinum, sum hann eisini metti vera eitt alternativ, ella ískoyti til uppskotið frá Landsstýrinum.
? Lagt verður upp til semju, hóast Javnaðarflokkurin leggur upp til, at vit fyrst gera eitt føroyskt uppskot, segði hann, og vísti eisini á, at málið ikki varð nóg væl fyrireikað.
? Men fyri tað eru nógvir positivir tankar, og tað er positivt, at Javnaðarflokkurin vil vera við, tó at tað er spell, at vit ikki kundu standa saman um eitt felags uppskot.
Sámal Petur í Grund lovaði, at Sjálvstýrisflokkurin fer at viðgera uppskotið positivt.
Framsøgumaður Miðfloksins var ikki á fundi hendan dagin - tískil kenna vit ikki Miðfloksins sjónarmið um uppskot Javnaðarfloksins.
