Starvsnevnd RFFs hevur sett Sølva Reinert Hansen sum stjóra í Ráðnum fyri Ferðslutrygd. Sølvi Reinert Hansen er 36 ára gamal, hevur lisið søgu og danskt, og hevur haraftrat undirvíst í miðnámsskúla, har hann samstundis var lestrarvegleiðari.
Seinastu fimm árini hevur Sølvi Reinert Hansen verið ítróttaráðgevi í ÍSF.
Hann byrjar í starvi um hálvan august og kemur fyrstu tíðina at arbeiða saman við fráfarandi leiðaranum, Jón Kragesteen.
