Hesar komandi dagarnar verður eitt serstakt høvi at fáa innlit í føroyskt handverk og føroyskt frítíðarítriv savnað á einum og sama staði.
Føroyingar hava alskyns frítíðarítriv. Og nú hevur tað so eydnast at savna nøkur av hesum frítíðarítrivum til
framsýning í Dansifrøi í Havn.
Í hesum sambandi letur ein søluframsýning upp í morgin og verður opin restina va vikuni.
Hesarar verður ymiskt hondgjørt til sølu og til ber eisini at síggja hvussu lutir verða tilvirkaðir.
Posta fer at selja frímerkir og postkort, og møguleiki verður eisini at senda post.
Tilhaldið fer at selja køkur og annað, og týsmorgunin kl.10 skipa tey fyri felagssang.
Lions Club Tórshavn fer at selja kalendarar við myndum úr Føroyum.
- Kom ein túr á gátt í Dansifrøi og uppliva hetta afturvið te/kaffi og vaflum, siga tey.
Framsýningin er opin soleiðis: Ímorgin, týsdagin og hósdagin frá klokkan 8 til 16, og fríggjadagin frá klokkan 14 til 19. Mikudagin er stongt.
