Í tíðindaskrivi frá Bileftirlitinum sæst at sølan av nýggjum persónbilum er minkað við næstan tvey hundrað bilum higartil í ár í mun til í fjør.
Sama tíðarskeið í fjør vórðu seldir 952 persónbilar í mun til 757 í ár.
Sølan av vøruvognum er minkað við umleið 25 prosentum.
Vert er at leggja til merkis, at í ár eru seldir 5 kampingvognar í mun til ein í fjør. Hetta kemst óiva av at høgu avgjøldini á kampingvognum nú eru tikin av.
Ein framrokning av tølunum fyri restina av 2004 vísir, at væntandi verða umleið 1600 nýggj akfør skrásett í 2004, samanborið við 1910 akfør í 2003, ella ein væntandi afturgongd uppá 310 akfør, svarandi til umleið 16 prosent.
