Tríggir sveitsarar eru á veg á súkklu úr Alpulandinum til Føroya, har teir ætla sær at fara til G!-festivalin Nógvir eru hættirnir at ferðast upp á, og mong dáma væl at ferðast úti í fríu náttúruni.
Í hesum døgum eru tríggir sveitsarar á veg til Føroya á súkklu. Teir byrjaðu túrin 3. juli úr býnum Treiten í Sveits og eru nú komnir upp móti danska markinum.
Teir vænta at koma til Danmark í morgin og skulu so við Norrönu til Føroya 21. juli. Tá hava teir súkklað umleið 1900 kilometrar.
Teir ætla sær at liggja nátt í Havn, men fara so dagin eftir til Gøtir, har teir ætla sær at verða við á G!-festivalinum.
Tveir teirra hava verið í Føroyum áður. Thomas er giftur við Jónu Joensen úr Syðrugøtu, dóttir Súsannu og Jógvan Salomon Joensen. Thomas hevur verið fleiri ferðir í Føroyum áður. Ida kemur á triðja sinni til Føroya, meðan Res ikki hevur verið í Føroyum áður.
Túrurin hevur gingið úr Sveits fram við Rhínánni til Hollands, síðani móti Bremen, Hamburg, Esbjerg og Hanstholm. Sum skilst hevur túrurin gingið væl. Teir hava sovið í tjaldi og hava hugnað sær óført, tó at tað hevur regnað meiri enn ynskiligt er.
Teir tríggir verða í Føroyum fram til 4. august.
