Norðborg, har fleiri klaksvíkingar hava fingið sína løn í áratíggju, og sum hevur veitt býnum nógv, verður nú rivin niður.
Look North, sum er granni fyri sunnan, fer at byggja út norðureftir, og tí er semja um at ríva Norðborg niður.
Bygningurin Norðborg hevur eina drúgva søgu. Norddahl Jacobsen, har navnið Norðborg stavar frá, bygdi ein timburverkstað í hølunum seinast í 1920-árunum.
Joensen og Olsen keyptu seinni bygningin til saltfiskahús.
