Tá liðugt er at umbyggja, er ætlanin at felagið skal brúka øll húsini, sum tá verða um 160 fermetrar. Roknað verður við, at arbeiði verður liðug í februar mánað.
Felagið hevur skrivstovuavgreiðslu yrkadagar á Traðavegi 20 - frá kl 9?12, og hevur telefon 316837 & 216837.
Møguligt er eisini at senda felagnum teldupost á: skfelag@post. olivant.fo
Á skrivstovuni arbeiða Svanna Højgaard Joensen, og Marjun Petersen, sum er bókhaldari.
Felagið hevur eisini tikið stig til at bøta um samskifti við limirnar á internetinum. Í hesum sambandi er eitt kjakforum tikið í nýtslu á heimasíðu felagsins: www.s-k.fo
Nevndin metir, at tað er umráðandi at hava gott samskifti við limirnar og vónar, at limirnir taka væl ímóti kjakforum felagsins.
Nevndarlimir felagsins eru: Emy Sólvitsdóttir, Jan Nielsen, Kristina Eyðbjørnsdóttir, Jóngerð Næs Vang. Formaður er Pætur Niclasen.
S&K-felagið er landsfelag fyri tey, sum arbeiða á skrivstovu og í handlum í Føroyum.
