Uppgávan verður at kanna eftir, um dronurnar, sum russar brúka í Ukraina, eru framleiddar í Iran.
Hetta kann gerast við at kanna dronurnar, sum antin eru niðurdotnar ella eru skotnar niður av ukrainska herinum.
Tað er tíðindastovan Reuters, sum í dag ber hesi tíðindi.
Russiska varaumboðið í ST hevur sagt, at Russland fer at eftirmeta samstarvið hjá landinum í ST, um serfrøðingar verða sendir til Ukraina í hesum ørindum.
Dmitrij Poljanskij segði tó ikki, hvat samstarv í ST talan verður um, at Russland vil eftirmeta.
