Sambært Hvítu Húsunum eru Russland og Ukraina í samrøðum við USA gingin við til at steðga álopum í Svartahavinum.
Ukrainski verjumálaráðharrin sigur sambært Reuters, at Ukraina er gingið við til vápnahvíld á havinum og í samband við undirstøðukervið hjá londunum báðum.
Amerikansk samráðingarfólk hava seinastu dagarnar havt samrøður við ávikavist ukrainsk og russisk embætisfólk.
Hesar samrøður hava verið í saudi arabiska høvuðsstaðnum, Riyad, og í gjár søgdu partarnir seg vilja koma við einari felags fráboðan í dag, týsdagin.
Men, í dag frættist, at partarnir vóru ikki samdir um eina felags fráboðan eftir 12 tímar langa fundin á gistingarhúsinum, Ritz-Carlton í Riyad.
Í dag vilja tey í Hvítu Húsunum tó vera við, at Russland og Ukraina eru vorðin samd um Svartahavið og undirstøðukervið í londunum báðum.
