Russland koyrt úr altjóða ítróttarkappingum í fýra ár

Altjóða Antidopingagenturið (Wada) hev­ur gjørt av at steingja Russland úti frá øllum altjóða ítrótt­ar­kapp­ing­um í fýra ár. Tað skriva fleiri altjóða tíð­inda­stov­ur í dag.
Harvið sleppur Russlandi eitt nú ikki við til OL í 2020 eins og vetrar-OL í 2022.
Russisk ítróttarfólk, sum kunnu prógva, at tey eru ó­sek – millum annað við ikki at hava verið part­ur av dop­ing­ætl­an, kunnu taka lut í stór­um ítróttartiltøkum sum OL. Men tey skulu kappast und­ir uttanveltaðum flaggi.
Wada upplýsir sambært miðl­i­num Inside The Games, at av­gerðin er einmælt sam­tykt.
AFP hevur fingið eina stutta viðmerking frá tals­manni fyri Wada.
– Allur listin við tilmælum varð einmælt samtyktur, sig­ur talsmaðurin.
Ein serfrøðinganevnd und­ir Wada er komin við ein­um longum lista við til­mæl­um til hættir, hvussu Russ­land kann revsast fyri dop­ing­fusk.
Hetta verður gjørt tí at Russ­land í fleiri ár hevur lagt lít­ið í antidopingreglarnar og hev­ur manipulerað  ant­i­dop­ing­data, áðrenn dáturnar eru lætn­ar Wada.
Sambært The New York Tim­es sleppur Russland held­ur ikki at halda ella bjóða sær til at verða vertur fyri kom­andi ítróttartiltøkum næstu fýra árini.
Russland kann heldur ikki taka lut í stórum aljtóða ítrótt­ar­tiltøkum, sum tl døm­is VM í fótbólti í 2022.
Men revsingin fevnir tó ikki um EM í fótbólti í summ­ar, har Russlandi bæði skal vera vertur og er luttakari.
Russland kann kæra av­gerð­ina til Altjóða Ítrótt­ar­dóm­stól­in (CAS). Tað skal ger­ast innan 21 dagar, skrivar The New York Times.

/ritzau/