- Júst nú eru russisk rakettálop á Kyiv, Vinnutsia, Zhytomyr og Cherkasy-regiónirnar, og loftávaringar eru um alt Ukraina.
Tað skrivar talskvinnan hjá ukrainska forsetanum, Iuliia Mendel, á Tvitter.
Sambært ukrainskum myndugleikum eru eisini álop í Zaporizhzhya-regiónini, har størsta kjarnorkuverk í Evropa liggur.
Sky News sigur, at í løtuni er ógreitt, hvussu nær kjarnorkuverkinum álopini eru.
Tað eru russar, sum hava ræðið á kjarnorkuverkinum, men ukrainsku deildirnar eru ikki langt burtur frá verkinum.
Í russiska verjumálaráðnum lova tey hevnd, eftir at ukrainskar sjódronur raktu eitt stórt russiskt landgonguskip inni á russiskum øki í Svartahavinum.
##med2##
